काठमाडौं । असोज, २१— बुधबार नेपालमा थप ३४३९ जनामा कोरोना भाइरस (कोभिड–१९) को संक्रमण पुष्टि भएको छ।
पछिल्लो २४ घण्टामा देशभरमा १४ हजार २०९ पीसीआर परीक्षण गर्दा थप ३ हजार ४३९ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता प्रा।डा। जागेश्वर गौतमले बताउनुभयो। बुधबार थपिएकासँगै नेपालमा कूल संक्रमितहरुको संख्या ९४ हजार २५३ पुगेको छ।
मन्त्रालयको नियमित प्रेस ब्रिफिङमा प्रवक्ता गौतमले बताए अनुसार बुधबार देशभरमा सक्रिय संक्रमितको संख्या २५ हजार ७ पुगेको छ। जसमा संस्थागत आइसोलेसनमा १० हजार ५९६ र होम आइसोलेसनमा १४ हजार ४११ संक्रमित व्यक्तिहरु रहेका छन्।
पछिल्लो २४ घण्टामा थप जना ११२६ कोरोना संक्रमित व्यक्तिहरु निको भएर डिस्चार्ज भएका छन्। योसँगै डिस्चार्ज हुनेको संख्या ६८ हजार ६६८ पुगेको छ।त्यस्तै बुधबार थप १५ जना संक्रमितको निधन भएको प्रवक्ता गौतमले जानकारी दिनुभयो। योसँगै नेपालमा कोरोना संक्रमणबाट निधन हुनेको संख्या ५७८ पुगेको छ।
