काठमाडौं । भदौ २३— गएको २४ घण्टामा नेपालमा ९०२ जना व्यक्तिमा कोरोना भाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयका प्रवक्ता डाक्टर जागेश्वर गौतमका अनुसार १० हजार ६११ पीसीआर परीक्षण गर्दा ९०२ जनामा संक्रमण पुष्टि भएको हो।
मंगलबार थपिएका कोरोना संक्रमितसँगै नेपालमा कूल संक्रमितको संख्या ४८ हजार १३८ पुगेको छ भने देशभरमा सक्रिय संक्रमितको संख्या १४ हजार ८६८ रहेको छ।
त्यस्तै आज थप २ हजार २८७ जना कोरोना संक्रमित संक्रमण मुक्त भएका छन्। योसँगै अहिलेसम्म नेपालमा कोरोना निको हुनेको संख्या ३२ हजार ९६४ पुगेको छ।
जिल्लागत विवरण अनुसार आज पनि सबैभन्दा बढी काठमाडौं जिल्लामा ३०० जनामा संक्रमण पुष्टि भएको छ भने त्यसपछि दोस्रो स्थानमा कैलालीमा ७७ जनामा संक्रमण देखिएको छ। त्यस्तै, भक्तपुरमा ५८ जना र ललितपुरमा ३८ जनामा संक्रमण पुष्टि भएको स्वास्थ्य मन्त्रालयले जनाएको छ।
कुन जिल्लामा कति थपिए ?
स्वास्थ्य मन्त्रालयका प्रवक्ता डाक्टर जागेश्वर गौतमका अनुसार प्रदेश १ को इलाममा १, उदयपुरमा २, ओखलढुंगामा १३, झापामा १६, मोरङमा ५१ र सुनसरीमा ३८ जनामा कोरोना पुष्टि भएको छ।
प्रदेश २ को धनुषामा ३३, पर्सामा १४, बारामा १२, महोत्तरीमा ४, रौतहटमा ८, सप्तरीमा १८, सर्लाहीमा ६ र सिरहामा ४ जना संक्रमित भेटिएका छन्।
वाग्मती प्रदेशको काठमाडौंमा ३००, काभ्रेमा २, चितवनमा २०, दोलखामा २, धादिङमा ८, नुवाकोटमा ३, भक्तपुरमा ५८, मकवानपुरमा २४, रामेछापमा ८, ललितपुरमा ३८ र सिन्धुपाल्चोकमा १ जना संक्रमित फेला परेका छन्।
त्यस्तै, गण्डकी प्रदेशको कास्कीमा ३०, गोरखामा १८, तनहुँमा ३, नवलपरासी पूर्व ७, पर्वतमा १ र लमजुङमा २, बागलुङमा १० र स्याङ्जामा १ जना संक्रमित भेटिएका छन्।
प्रदेश ५ को अर्घाखाँचीमा १, कपिलवस्तुमा १, गुल्मीमा १, दाङमा ३, नवलपरासीमा १, बर्दियामा ७, बाँकेमा ५, रुपन्देहीमा २१ र रोल्पामा १ जना संक्रमित भेटिएका छन्।
कर्णाली प्रदेशको दैलेखमा १ र सुर्खेतमा १८ जनामा कोरोना पुष्टि भएको छ।
त्यसैगरी सुदूरपश्चिम प्रदेशको कञ्चनपुरमा ९ र कैलालीमा ७७ जना संक्रमित फेला परेका छन्।
यसरी पछिल्लो २४ घण्टामा नेपालमा ३०७ जना महिला र ५९५ पुरुष गरी कूल ९०२ जनामा कोरोना भाइरस संक्रमण पुष्टि भएको प्रवक्ता डाक्टर जागेश्वर गौतमले जानकारी दिनुभयो।
