देशभर एकैदिन १२२१ जनामा कोरोना भाइरस संक्रमण पुष्टि

काठमाडौं । भदौ १४ — गएको २४ घण्टामा १२२१ जनामा कोरोना भाइरस (कोभिड–१९) को संक्रमण पुष्टि भएको छ । देशभरका प्रयोगशालामा १२ हजार ७१७ नमुना परीक्षण गर्दा ३४८ महिला र ८७३ पुरुषमा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसँगै जम्मा संक्रमितको संख्या ३८ हजार ५६१ पुगेको छ । जसमा २२१ जनाको मृत्यु भएको छ भने २० हजार ८२२ जना कोरोनामुक्त भएका छन् । पछिल्लो २४ घण्टामा मात्र २६७ जना डिस्चार्ज भएका छन् ।
स्वास्थ्य तथा जनसंख्या मन्त्रालयका अनुसार काठमाडौं उपत्यकामा मात्र ४२९ संक्रमित भेटिएका छन् । उनीहरुमध्ये काठमाडौंका ३७२, भक्तपुरका ४५ र ललितपुरका १२ जना छन् ।
त्यसैगरी चितवनमा ९० जना, बारामा ८२, धनुषामा ७५, रुपन्देहीमा ६१, मोरङमा ४९, बझाङमा ४७, पर्सामा ४६, महोत्तरीमा ३७, सर्लाहीमा ३४, सुनसरीमा ३३, सिराहामा २६, काभ्रे र कपिलवस्तुमा २५–२५ जना, नवलपरासीमा २१, बाँकेमा १४, झापा र डोटीमा ११–११ जना छन् । पाल्पा र अछाममा ८–८ जना, सप्तरी, गुल्मी, बर्दिया र कैलालीमा ६–६ जना, सिन्धुली, कास्की, गोरखा, प्युठान र दाङमा ५र५ जना, मकवानपुरमा ९ जना, ओखलढुंगा र तनहुँमा ४–४ जना, धादिङ, बाग्लुङ र अर्घाखाँचीका ३–३ जना, इलाम, पाँचथर, रामेछाप र कञ्चनपुरका १–१ तथा संखुवासभा, सिन्धुपाल्चोक, नवलपुर र दार्चुलामा २–२ जना तथा जनामा संक्रमण पुष्टि भएको मन्त्रालयले जनाएको छ ।