काठमाडौं । भदौ २६— पछिल्लो २४ घण्टामा नेपालमा थप १४५४ जनामा कोरोना भाइरस संक्रमण पुष्टि भएको छ। त्यसमध्ये ६९६ जना काठमाडौं उपत्यकाभित्रकै रहेका छन्।
स्वास्थ्य मन्त्रालयका प्रवक्ता प्रा.डा. जागेश्वर गौतमले पछिल्लो २४ घण्टामा १० हजार ७०१ पीसीआर परीक्षण गर्दा १ हजार ४५४ जनामा कोरोना भाइरस संक्रमण पुष्टि भएको जानकारी दिनुभएको हो। शुक्रबार थपिएकासँगै नेपालमा कूल ५१ हजार ९१९ जना व्यक्तिमा संक्रमण पुष्टि भएको छ।
काठमाडौं जिल्लामा अहिलेसम्मकै धेरै ६२० जनामा कोरोना संक्रमण पुष्टि भएको छ
जिल्लागत रुपमा काठमाडौं जिल्लामा अहिलेसम्मकै धेरै ६२० जनामा कोरोना संक्रमण पुष्टि भएको छ भने ललितपुरमा ३८ जना र भक्तपुरमा ३८ जनामा संक्रमण देखिएको छ। आज काठमाडौं उपत्यकामा मात्रै ६९६ जनामा संक्रमण पुष्टि भएको छ। त्यस्तै रुपन्देहीमा १०२ जना, चितवनमा ७४ जना र कैलालीमा ६७ जनामा संक्रमण पुष्टि भएको छ। स्वास्थ्य मन्त्रालयका प्रवक्ता डाक्टर जागेश्वर गौतमका अनुसार प्रदेश १ को झापामा १४, मोरङमा ४७, संखुवासभामा १२ र सुनसरीमा ४४ जनामा कोरोना पुष्टि भएको छ।
यसैगरी प्रदेश २ को धनुषामा २, पर्सामा ३, बारामा २, रौतहटमा ६, महोत्तरीमा २, सप्तरीमा ४, सर्लाहीमा ७ र सिरहामा ४२ जना कोरोना संक्रमित भेटिएका छन्।
वाग्मती प्रदेशको काठमाडौंमा ६२०, काभ्रेमा ११, चितवनमा ७४, धादिङमा १, नुवाकोटमा ३, भक्तपुरमा ३८, मकवानपुरमा ५४, रामेछापमा १, ललितपुरमा ३८, सिन्धुलीमा २ र सिन्धुपाल्चोकमा २ जना संक्रमित फेला परेका छन्।
त्यस्तैगरी, गण्डकी प्रदेशको कास्कीमा ११, गोरखामा ६, तनहुँमा ८, नवलपरासी पूर्व ३८, पर्वतमा २, लमजुङमा ६ र स्याङ्जामा ४ जना संक्रमित भेटिएका छन्।
प्रदेश ५ को कपिलवस्तुमा २८, गुल्मीमा २०, दाङमा ५, नवलपरासीमा ३५, पाल्पामा १२, प्युठानमा १३, बर्दियामा १, बाँकेमा १८, रुकुमपूर्वमा ११, रुपन्देहीमा १०२ र रोल्पामा ३ जना संक्रमित भेटिएका छन्। कर्णाली प्रदेशको जुम्लामा १ र सुर्खेतमा २६ जनामा कोरोना पुष्टि भएको छ। त्यसैगरी सुदूरपश्चिम प्रदेशको कञ्चनपुरमा २, कैलालीमा ६७ र डोटीमा ६ जना संक्रमित फेला परेका छन्।
यसरी पछिल्लो २४ घण्टामा नेपालमा ४६३ जना महिला र ९९१ पुरुष गरी कूल १ हजार ४५४ जनामा कोरोना भाइरस संक्रमण पुष्टि भएको प्रवक्ता डाक्टर जागेश्वर गौतमले जानकारी दिनुभयो।
३६ हजार डिस्चार्ज
त्यसैगरी पछिल्लो २४ घण्टामा ९७२ जना संक्रमित व्यक्तिहरु निको भएर घर फर्किएको प्रवक्ता गौतमले बताउनुभयो। गौतमका अनुसार नेपालमा कूल ३६ हजार ६७२ जना व्यक्तिहरु निको भएर घर फर्किइसकेका छन्। त्यस्तै, संस्थागत आइसोलेसनमा ८ हजार २९१ र होम आइसोलेसनमा ६ हजार ६३४ गरी १४ हजार ९२५ जना सक्रिय संक्रमित व्यक्तिहरु देशभरका विभिन्न आइसोलेसनमा रहेका छन् आइसीयूमा १७० जना र भेन्टिलेटरमा २५ जना संक्रमितहरुको उपचार भइरहेको पनि प्रवक्ता गौतमले जानकारी दिनुभयो। पछिल्लो २४ घण्टामा थप ५ जनाको निधन भएसँगै नेपालमा कूल ३२२ जना कोरोना संक्रमित व्यक्तिहरुको निधन भइसकेको गौतमले बताउनुभयो।
