काठमाडौं । असोज १६— प्रदेश ५ को नाम लुम्बिनी र स्थायी राजधानी दाङको भालुवाङलाई बनाउने प्रस्ताव प्रदेशसभामा आज पेश भएको छ ।
दाङको राप्ती र गढवा गाउँपालिका तथा अर्घाखाँचीको सितगंगालाई समेटेर स्थायी राजधानी बनाउने प्रस्ताव छ ।
प्रदेशसभाको शुक्रबार बसेको बैठकमा आन्तरिक मामिला तथा कानुनमन्त्री कुलप्रसाद केसीले सरकारी प्रस्ताव पेश गरेका हुन् । दाङको राप्ती र गढवा गाउँपालिका तथा अर्घाखाँचीको सितगंगा नगरपालिकालाई समेटेर दाङ्गको देउखुरी उपत्यकालाई प्रदेश ५ को स्थायी राजधानी बनाउने प्रस्ताव छ ।
यस्तै प्रदेशको नाम लुम्बिनी राख्ने कानुन मन्त्रीको प्रस्ताव छ । सत्तारुढ नेपाल कम्युनिस्ट पार्टी (नेकपा)का शीर्ष नेतृत्वबीच सहमति भए लगतै प्रदेश सरकारको मन्त्रिपरिषद् बैठकले प्रदेश राजधानी र नामबारे प्रस्ताव पास गरेको थियो ।
