काठमाडौं, ५ भदौ— कोरोना रोकथामको लागि सामुदायिक तथा निजि क्षेत्रका अस्पतालहरुले निर्वाधरुपमा सेवा दिनुपर्ने अर्थमन्त्री तथा सरकारका प्रवत्ताले बताउनु भयो । सरकारले आवश्यक परेका खण्डमा सामुदायिक तथा निजि जुनसुकै अस्पताललाई कोरोना विशेष अस्पताल बनाउन सक्ने जनाएको छ । हामी अहिले कोरोनाको महामारीमा भएका कारण यसमा सबैले सहयोग गर्नुपर्ने उहाँले बताउनुभयो । साथै प्रभावकारी रुपमा यसको चेकजाँचलाई अगाडि बढाउन सरकारले सबै निकायहरुलाई परिचालन गर्ने जानकारी दिनुभयो ।
साथै सरकारले पीसीआर परीक्षण सहज भएका देशहरुबाट नेपालीहरुलाई नियमित रुपमा भदौ १६ पछि उद्दार गरिने बताउनु भयो । मन्त्रिपरिषद्को बिहीबार बसेको बैठकले भदौ १६ गतेदेखि नियमित उडान सुरु गर्ने निर्णय गरेको हो । यसका लागि दैनिक ५०० यात्रु नकट्ने गरी संस्कृति पर्यटन तथा नागरिक उड्यन मन्त्राललयले उडान तालिका बनाउनेछ। नेपाल आउन चाहने नेपाली नागरिक तथा विदेशी कुटनीतिक नियागेका कर्मचारीहरुलाई आउन सक्नेछन् । त्यसका लागि सम्बन्धित देशमा रहेका नेपाली कुटनीतिक नियोगहरुको सिफारिस चाहिनेछ । नियमित उडानमा आउनेले ७२ घन्टा अगाडि कोरोना नेगेटिभ भएको रिर्पोट यात्रुहरुले ल्याउनुपर्ने र नेपाल आएपछि अनिवार्य १४ दिन क्वारेन्टाइनमा बस्नुपर्नेछ । होम क्यारेन्टाइन भन्दा बाहिर होटलमा बस्दा ७ दिनको खर्च सम्बन्धित व्यक्ति र एउटै प्लेनमा पोजिटिभ र नेगेटिभ भएका व्यक्तिहरुलाई ल्याउन नहुने, यदि ल्याएको पाइएमा क्वारेन्टाइनको खर्च सम्बन्धित एयरलाईन्सले व्यहोर्ने बताउनुभयो । यो कार्य गर्नका लागि सरकारका सम्बन्धित निकायहरुले सूचनाहरु जारी गर्नुपर्ने बताउनु भयो । सरकारले व्यापक रुपमा जनचेतना र कालोबजारीलाई नियन्त्रण गर्ने काम गृह मन्त्रालयले गर्ने बताउनु भयो । कोरोना महामारीबाट बच्नको लागि सरकारका सबै निकायहरुले जनचेतना जगाउन विभिन्न खालका सञ्चार माध्यमहरुको प्रयोग गर्ने अर्थ मन्त्रीले बताउनु भयो ।
