काठमाडौँ — २४ घण्टामा थप ८३८ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । साथै आजै मात्र राजधानीलगायत देशका विभिन्न स्थानमा गरी थप ११ जनाको कोरोना संक्रमणबाट दुःखद निधन भएको छ ।
दैनिक रुपमा मन्त्रालयबाट गरिने कोभिड १९ प्रेस ब्रिफिङमा प्रवक्ता डा जागेश्वर गौतमले काठमाडौंमा ८२ सहित देशभर ८३८ जना संक्रमित फेला परेको बताए । उनका अनुसार नेपालमा हालसम्म कुल संक्रमितको संख्या ३० हजार ४८३ पुगेको छ ।
