१२ वर्ष माथिको उमेरका सबैलाई मास्क अनिवार्य लगाउन विश्व स्वास्थ्य संगठनको निर्देशन
काठमाडौं- विश्व स्वास्थ्य संगठनले निर्देशिका जारी गर्दै १२ वर्षभन्दा माथिका बालबालिका देखि सबैले घरबाहिर निस्कदा अनिवार्य रुपमा मास्क लगाउनु पर्ने जनाएको छ ।
Advertisement 1
बयस्कहरुले जस्तै १३ वर्ष माथिका किरोर उमेरका बालबालिकाले अन्य व्यक्तिलाई भाइरस सार्न सक्ने प्रमाणित भएको भन्दै मास्क लगाउन अनिवार्य गरेको हो । पाँच वर्ष वा सो भन्दा कम उमेरका बालबालिकाले सामान्य रुपमा मास्क लगाउन नसक्ने डब्लुएचओको भनाई छ ।
विश्वमा कोरोना भाइरसको संक्रमणकै कारण ८ लाखभन्दा बढी मानिसको मृत्यु भइसकेको छ । विश्वमा वितेको २४ घन्टामा मात्रै २ लाख ५० हजारको हाराहारीमा नयाँ संक्रमित थपिएका छन् ।
Advertisement 2
यो सँगै विश्वमा हालसम्म कोरोनाबाट संक्रमित हुनेको संख्या २ करोड ३३ लाख नाघेको छ । भारत, अमेरिका र ब्राजिल सबैभन्दा बढी प्रभावित छन् ।
कोरोना संक्रमणका कारण विश्वमै पछिल्लो २४ घन्टामा भारतमा सबैभन्दा बढी नयाँ संक्रमित थपिएका छन् । भारतमा एकै दिनमा ७० हजारभन्दा बढी संक्रमित थपिएका हुन् ।
Advertisement 3
अमेरिका र ब्राजिलको दैनिक संक्रमण दर केही घटेको छ । लक्षण विहिन संक्रमित र परीक्षणको सीमित दायराका कारण वास्तविकभन्दा निकै कम मात्रै संक्रमितहरुको संख्या बाहिर आएको जनाइएको छ । पछिल्लो समय दक्षिण कोरिया, युरोपेली राष्ट्रहरु र लेबनानमा पुनः संक्रमण फैलिरहेको छ । ( nepaltvonline.com प्रकाशित समाचार)
